«Алматы» Олимпиадалық дайындау орталығының спортшысы бадминтоннан олимпиадалық лицензияның иегері атанды
Бадминтоннан Қазақстан құрамасының мүшесі Дмитрий Панарин Парижде өтетін Олимпиада ойындарына лицензия иегері атанды!
25 005 ұпай жинаған Дмитрий Олимпиада рейтингінде 31-орында тұр. Оған қоса, Қазақстан командалық рейтингтің ТОП 25-іне еніп, отандасымызға Парижге жолдама алуға мүмкіндік берді.
Спортшының жетістігі қазақ спорты үшін тарихи болды. Бұған дейін республика өкілдері Олимпиада ойындарында бадминтонның бірде-бір түрінен бақ сынамаған. 24 жастағы Панарин талай рет халықаралық жарыстардың жеңімпазы атанған. Бадминтоншы 2018 жылы Буэнос-Айресте өткен жасөспірімдер Олимпиадасында да өнер көрсетті. Қазіргі таңда Қазақстанның қоржынында спорттың 13 түрінен 2024 жылғы ойындарға 33 лицензия бар.
Еске сала кетейік, Олимпиада-2024 Парижде 26 шілдемен 11 тамызы аралығында өтеді.